Osmani nënshkruan Dekretin Presidencial, rreshtohet me SHBA-në në luftën kundër terrorizmit

Presidentja e Republikës së Kosovës, Vjosa Osmani, ka deklaruar se Kosova qëndron fuqishëm përkrah Shteteve të Bashkuara të Amerikës në përpjekjet globale kundër krimit të organizuar transnacional, terrorizmit dhe narko-kartelëve.

Në një deklaratë publike të bërë sot, Osmani njoftoi se ka nënshkruar një Dekret Presidencial me të cilin Kosova harmonizon plotësisht përcaktimin e organizatave të huaja terroriste me atë të Shteteve të Bashkuara, duke u bazuar në urdhrat ekzekutiv të presidentit amerikan Donald Trump, të lëshuar në janar të këtij viti.

“Historia vërteton një të vërtetë të thjeshtë: kur Amerika udhëheq, ka më shumë paqe, më shumë siguri dhe më shumë liri në nivel global,” theksoi Osmani.

Ajo shtoi se Kosova do të qëndrojë gjithmonë përkrah SHBA-së në promovimin e këtij vizioni dhe në luftën kundër të gjitha rreziqeve që kërcënojnë sigurinë kombëtare të aleatit më të rëndësishëm të vendit.

Ky hap vjen në një kohë kur bashkëpunimi ndërkombëtar kundër rrjeteve kriminale dhe terroriste është bërë gjithnjë e më i domosdoshëm në përballjen me sfidat globale të sigurisë./IndeksOnline/

The Republic of Kosovo stands with the United States of America in the fight against transnational organized crime and terrorism, narco cartels and criminal regimes, because American leadership makes the world safer.

Today, I have issued a Presidential Decree to fully align… pic.twitter.com/UQfvWMVJw1

— Vjosa Osmani (@VjosaOsmaniPRKS) August 29, 2025