Breshëri dronësh mbi Moskë, kaos në kryeqytetin rus, avionët fluturojnë mes rrokaqiejve

Moska ka përjetuar mbrëmjen e kaluar një nga sulmet më të mëdha me dronë në muajt e fundit.

Kryetari i bashkisë, Sergei Sobyanin, tha se sistemet e mbrojtjes ajrore në kryeqytetin rus kishin rrëzuar më shumë se 30 dronë ndërsa nga mbetjet e tyre ka pasur kryesisht dëme materiale.

Mbetjet e dronëve dëmtuan katër automjete në Reutovo, ndërsa aeroporti Sheremetyevo u mbyll përkohësisht dhe aeroportet e tjera të Moskës patën vonesa. Kufizime u vendosën gjithashtu në aeroportet në Nizhnekamsk, Kazan dhe Gelendzhik, sipas Administratës Federale të Aviacionit.

Ministria ruse e Mbrojtjes pohon se midis pasdites së së hënës dhe mesnatës, 81 dronë ukrainas u rrëzuan mbi rajonet Belgorod, Bryansk, Kalushka, Kursk, Moskë, Rostov, Ryazan dhe Tula, si dhe në Krime. Ata shtojnë se midis mesnatës dhe mëngjesit të së martës, 69 dronë të tjerë u rrëzuan. Rusia pretendon se forcat e saj shkatërruan gjithsej më shumë se 180 dronë në më pak se 24 orë.

Moscow’s airspace has been completely shut, causing widespread flight delays at the city’s airports. Low Flying Cargo Plane Spotted pic.twitter.com/BZrG7li1Mh

— INDIAN (@hindus47) September 22, 2025

Mihail Razvozhayev, guvernatori i portit të Sevastopolit në Krime, selia qendrore e Flotës Ruse të Detit të Zi, tha se forcat kundërajrore shkatërruan të paktën gjashtë dronë pranë portit. Pjesë të dronit të rrëzuar shkaktuan një zjarr në terren të hapur, i cili u shua.

Guvernatori i rajonit Tula në Rusinë qendrore, Dmitry Milyaev, tha se tre dronë u rrëzuan pa viktima apo dëme.

Vyacheslav Gladkov, guvernatori i rajonit të Belgorodit, i cili kufizohet me Ukrainën, tha se prindërit duhet t’i mbajnë fëmijët e tyre në shtëpi dhe se dy qendra tregtare në rajon u mbyllën përkohësisht. Ukraina sakaq nuk ka komentuar për sulmet e mbrëmshme./Indeksonline/