Macron mbeti në rrugë në New York, policia i kërkon falje, ai telefonon menjëherë Trumpin!

Një bllokim trafiku në zemër të Nju Jorkut të hënën pothuajse u shndërrua në një skandal diplomatik kur autokolona e presidentit francez Emmanuel Macron u ndalua nga autokolona e presidentit amerikan Donald Trump .

Pamjet e incidentit u bënë shpejt virale, duke treguar udhëheqësin francez të “bllokuar” për pak kohë në rrugët e Manhattanit, ndërsa policia bllokoi trafikun që presidenti amerikan të kalonte.

E gjitha ndodhi menjëherë pas fjalimit të Macronit në sesionin e 80-të të Asamblesë së Përgjithshme të OKB-së, ku Franca njohu zyrtarisht Palestinën. Ndërsa presidenti po shkonte drejt Ambasadës franceze, automjeti i tij u ndalua për shkak të masave të sigurisë për shkak të kalimit të autokolonës së Trump.

Polici i kërkon falje Macronit, duke thënë: “Më vjen keq, z. president, gjithçka është bllokuar për momentin”. Macron më pas doli nga makina, duke buzëqeshur, por edhe pak i paduruar, ndërsa kalimtarët përpiqeshin t’i afroheshin dhe të bënin foto me të.

Macron e thirri menjëherë Trumpin: “Merr me mend se ku jam – Po qëndroj në rrugë sepse gjithçka është mbyllur për shkakun tënd”, tha ai me të qeshur, e cila u regjistrua edhe nga bashkëpunëtorët e tij.

Ky episod i shkurtër tregoi marrëdhënien e relaksuar midis dy presidentëve, pavarësisht sfondit serioz të mbledhjes së OKB-së. Edhe pse autokolona e Trump kaloi shpejt, rruga mbeti e mbyllur për automjete, kështu që Macron duhej të vazhdonte në këmbë për në takimin e tij të radhës./Indeksonline/

🇺🇸🇫🇷Macron was stopped by cops in America

The President of France was driving through New York after his speech at the UN headquarters, but was stopped by police who blocked the streets due to Trump’s motorcade.

Emmanuel had to call Donald, but it didn’t help: as the media… pic.twitter.com/yNvmfp92Zs

— Lord Bebo (@MyLordBebo) September 23, 2025