Netanyahu: Tërheqja e ushtrisë së Izraelit nga Gaza nuk do të ndodhë

Kryeministri i Izraelit, Benjamin Netanyahu, ka deklaruar se Forcat Mbrojtëse të Izraelit (IDF) nuk do të tërhiqen nga Rripi i Gazës, pavarësisht presioneve ndërkombëtare.

Në një video të publikuar në llogarinë e tij në Telegram, pas vizitës në Shtëpinë e Bardhë, Netanyahu sulmoi kritikët që sipas tij po kërkojnë që Izraeli të pranojë kushtet e Hamasit.

“Ata vazhdojnë të thonë: ‘Duhet të pranoni kushtet e Hamasit. Hiqini të gjithë jashtë. IDF-ja duhet të largohet dhe Hamasi mund të rimëkëmbet dhe madje të rehabilitojë Rripin e Gazës’. Nuk po ndodh”, tha ai.

Netanyahu shtoi se presidenti amerikan, Donald Trump, i ka premtuar mbështetje të plotë Izraelit në rast se Hamasi refuzon planin e tij 20-pikësh për paqen në Gaza.

“Përfundoni operacionin ushtarak për të eliminuar Hamasin. Dhe kështu mendoj se nga të gjitha anët ishte një vizitë e shkëlqyer”, theksoi Netanyahu.

Ndërkohë, kryeministri izraelit publikoi edhe një video të veçantë nga Shtëpia e Bardhë, ku shihet duke shkruar në librin e vizitorëve: “Për presidentin Donald Trump, miku më i madh që Izraeli ka pasur ndonjëherë në Shtëpinë e Bardhë – me shumë mundësi”!/BBC