Netanyahu mbledh kabinetin pas shpalljes së planit të paqes për Gazën: Përputhet me qëllimet tona të luftës

Kryeministri izraelit Benjamin Netanyahu ka mbledhur kabinetin e tij për herë të parë pas shpalljes së planit të ri të paqes për Gazën nga presidenti amerikan Donald Trump.

Udhëheqësi izraelit foli, por nuk pranoi pyetje dhe tha se plani përputhej me qëllimet e tij të luftës.

Megjithatë, janë ngritur pikëpyetje nëse ministrat e tij të ekstremit të djathtë, tek të cilët ai mbështetet, do të kishin kundërshtime për veprimet e tij në Uashington.

Pavarësisht kësaj, deri më tani, nuk duket se pozicioni i Netanyahut është dobësuar.

Netanyahu ngriti çështjen e udhëtimit të tij në Uashington, duke folur përpara kabinetit, por tha se takimi kishte të bënte me emërimin e një kreu të ri të Shin Bet – shërbimit të sigurisë së Izraelit.

Netanyahu, duke folur në fillim të takimit, tha: “Në Uashington, arrita një marrëveshje me Presidentin Trump mbi një plan për lirimin e të gjithë pengjeve tona dhe arritjen e të gjitha objektivave të luftës që vendosëm. Do t’u jap një raport më të detajuar si anëtarëve të qeverisë ashtu edhe anëtarëve të kabinetit.” /balkanweb