Kryeministri francez jep dorëheqjen pas më pak se një muaji në detyrë!

Kryeministri i ri francez, Sébastien Lecornu, ka dhënë dorëheqjen pas më pak se një muaji në detyrë, njoftoi Pallati Elysee.

Presidenti Emmanuel Macron e pranoi dorëheqjen e tij, por ende nuk dihet se kush do ta pasojë atë ose çfarë çoi në largimin e tij të papritur.

Lecornu mori detyrën në mesin e shtatorit, pasi kryeministrja e mëparshme Elisabeth Borne dha dorëheqjen mes një riorganizimi të qeverisë.

Lecornu dha dorëheqjen vetëm disa orë pasi emëroi kabinetin e tij dhe largimi vjen ndërsa opozita kërcënoi të rrëzonte qeverinë e tij me një votë mosbesimi.

Ai ishte kryeministri i shtatë gjatë mandatit të Macron, duke theksuar më tej paqëndrueshmërinë brenda ekzekutivit francez.

Mediat franceze po raportojnë se Macron mund të emërojë së shpejti një kryeministër të ri në një përpjekje për të rivendosur ekuilibrin politik në vend.

Pas dorëheqjes së tij, kreu i Asamblesë Kombëtare (Rassemblement National), Jordan Bardella, i bëri thirrje Macronit të shpërndajë Asamblenë Kombëtare dhe të thërrasë zgjedhje të reja, duke thënë se “vendi nuk mund të funksionojë me një qeveri që bie para se të ketë filluar punën”./Indeksonline/