Danimarka planifikon të ndalojë rrjetet sociale për fëmijët nën 15 vjeç

Kryeministrja daneze, Mette Frederiksen ka deklaruar se përdorimi i rrjeteve sociale do të ndalohet për fëmijët nën moshën 15 vjeç.

Ajo theksoi se ky vendim është i domosdoshëm, ndërsa shtoi se duhen ligje më të rrepta për të mbrojtur fëmijët.

Kryeministrja daneze u shpreh se telefonat apo rrjetet sociale po “vjedhin fëmijërinë”, duke ngritur shqetësimin për të ardhmen e fëmijëve dhe problematikat me të cilën përballet rinia.

Megjithatë nuk janë ndarë detaje specifike rreth ndalimit të propozuar dhe mënyrës se si do të funksionojë.