Shqipëria pret Jordaninë sonte në Tiranë

Kombëtarja shqiptare do të zhvillojë ndeshjen e radhës për muajin tetor.

Pas fitores së madhe ndaj Serbisë të shtunën, “kuqezinjtë” do të jenë nikoqirë sonte i Jordanisë në “Air Albania” të Tiranës.

Kjo është hera e dytë që Shqipëria zhvillon ndaj Jordanisë, me ndeshjen e parë që ishte zhvilluar në vitin 2018 e cila kishte përfunduar me barazim 0-0 në “Elbasan Arena”.

Jordania, po ashtu është një nga 22 kombëtaret, të cilat kanë siguruar biletën për Kampionatin Botëror të vitit të ardhshëm.

Kujtojmë se ndeshja Shqipëri-Jordani, zhvillohet sonte në orën 19:00./IndeksOnline/