Grealish nuk mund të luajë ndaj Manchester Cityt? Kjo është arsyeja

Rikthehen emocionet e Premierligë në këtë javë pas pushimit të ndeshjeve të kombëtareve.

Ndeshje interesante pritet të jetë ajo mes Manchester Cityt dhe Evertonit, e cila zhvillohet sot në stadiumin “Etihad”.

Mirëpo te mysafirët nuk pritet të jetë në formacion, Jack Grealish.

Kjo për shkak se Premier Liga i ka penguar prej kohësh lojtarët të përballen me klubet e tyre mëmë, që do të thotë se Grealish nuk është i kualifikuar as për ndeshjen e së shtunës dhe as për ndeshjen e kthimit në Merseyside në maj.

Manuali i Premier Ligës thotë: “Gjatë periudhës së transferimit të përkohshëm… një lojtar nuk duhet të luajë kundër klubit transferues.”

Kujtojmë se ndeshja Manchester City-Everton, do të zhvillohet sot në orën 16:00./IndeksOnline/