Ish-i i Britneyt zbulon se sa para mori në divorc

Kevin Federline, ish-bashkëshorti i Britney Spears, do të publikojë një libër kujtimesh që zbulon detaje të panjohura më parë rreth martesës së tij me princeshën e popit.

Libri i tij, You Thought You Knew (Ti mendove se e dije), del më 21 tetor dhe tashmë ka shkaktuar polemika, ndërsa Federline diskuton marrëdhënien e tyre, bashkëprindërimin dhe divorcin e tyre që u bë bujë në vitet 2000, transmeton Indeksonline.

Në shkrimet e tij, Federline, tani 47 vjeç, shkruan se pas divorcit, atij iu dhanë 20,000 dollarë në muaj si mbështetje për fëmijët e tij, si dhe 20,000 dollarë shtesë në muaj si mbështetje – gjysma e kohëzgjatjes së martesës së tyre 26-mujore.

Edhe pse ai nuk specifikon shumën e saktë që mori në total, media amerikane vlerëson se është midis 1 milion dhe 1.3 milion dollarë./Indeksonline/