Thyhet shtëpia e Casillasit, i vodhën sende me vlerë të madhe parash

Ish-portieri i Real Madridit dhe i ekipit kombëtar të Spanjës, Iker Casillas, u bë viktimë e një vjedhjeje në shtëpinë e tij.

Pesë orë të shtrenjta nga koleksioni i tij u zhdukën, kur kriminelët zëvendësuan gradualisht origjinalet me të falsifikuara.

Casillas filloi të dyshonte kur vuri re mospërputhje dhe iu drejtua policisë.

Sipas COPE, forcave të rendit iu deshën vetëm dhjetë ditë për të identifikuar dhe arrestuar të dyshuarit – një pastruese shtëpie nga Paraguai dhe një spanjoll, roje sigurie e kompleksit të banimit elitar në Madrid ku jeton Casillas. Doli që ata ishin në një lidhje dhe po planifikonin të largoheshin nga vendi.

Hetuesit deri më tani kanë arritur të rikuperojnë dy nga pesë orët e vjedhura, me vlerën totale të koleksionit që vlerësohet në dhjetëra mijëra euro.

Siç raportoi gazetari Manu Marlasca në programin El Programa de Ana Rosa.

“Vetëm pak njerëz e dinin se ku mbaheshin orët, përfshirë edhe pastruesen e shtëpisë, e cila kishte punuar për Iker dhe Sara Carbonero që nga viti 2019. Partneri i saj punonte si roje sigurie në të njëjtin kompleks banimi. Duket se ai ishte truri pas grabitjes. Policia gjeti disa orë të falsifikuara në shtëpinë e tyre, të përgatitura për shkëmbime të mëtejshme. Njëra origjinale u gjet plotësisht, së bashku me pjesë të të tjerave”