KSHZ-ja shpall rezultatet fillestare të rundit të dytë të zgjedhjeve lokale në RMV, kryeson VMRO-DPMNE-ja

Qytetarët në Maqedoninë e Veriut votuan më 2 nëntor në rundin e dytë të zgjedhjeve për kryetar komune në 33 komuna, përfshirë kryeqytetin, Shkupin.

Kryetari i KSHZ-së, Boris Kondarko, informoi se nga 98.25% e vendvotimeve të përpunuara në rundin e dytë, gjithsej 415,435 votues ose 41.76 për qind votuan në nivel kombëtar

Në raundin e dytë, 93,207 votues votuan për kandidatin e VMRO-DPMNE-së dhe Koalicionit, Orce Gjorgievski, ndërsa 58,994 votues ose 36.26 për qind e totalit të votave votuan për kandidatin e E Majta, Amar Mecinoviq.

Dalja në rundin e dytë për kryetarin e qytetit të Shkupit ishte 35.05 për qind.

Kandidatët e VMRO-DPMNE-së dhe koalicionit kryesojnë në 21 komuna, kandidatët e koalicionit VLEN në katër komuna, kandidatët e LSDM-së dhe koalicionit në tri komuna, dhe kandidatët e Lëvizjes ZNAM dhe Unionit Rom në nga një komunë secili./Indeksonline/