Legjenda e muzikës vdes në moshën 81-vjeçe

Legjenda e muzikës, Jimmy Cliff, ka ndërruar jetë, njoftoi të hënën bashkëshortja e tij, Latifa Chambers.

Latifa shkroi… “Me trishtim të thellë ju njoftoj se bashkëshorti im, Jimmy Cliff, ka ndërruar jetë pasi vuante nga pneumonia. Jam mirënjohëse për familjen, miqtë, artistët dhe kolegët e tij që kanë ndarë udhëtimin e tij me të”, transmeton Indeksonline.

Ajo vazhdoi … “Të gjithë fansave të tij në mbarë botën, ju lutem dijeni se mbështetja juaj ishte forca e tij gjatë gjithë karrierës së tij. Ai e vlerësoi vërtet çdo fans për dashurinë e tyre”.

Cliff, i njohur për këngë si “You Can Get It If You Really Want” dhe “The Harder They Come”, lindi në Saint James, Xhamajka dhe publikoi këngën e tij të parë hit, “Hurricane Hattie” në moshën 14 vjeç.

Në të 20-at, karriera e tij mori hov falë hiteve si “Wonderful World, Beautiful People” dhe “Vietnam”.

Sipas faqes së internetit të fituesit të çmimit Grammy , “Vietnam” u cilësua nga Bob Dylan si “kënga më e madhe e protestës e shkruar ndonjëherë”. Cliff vdiq në moshën 81-vjeç./Indeksonline/