Drejtori i Bayern Munich nuk kursen fjalët e mira për Fisnik Asllanin

Fisnik Asllani dita e ditës po merr vëmendjen e klubeve të mëdha evropiane.

Sulmuesi kosovar po kalon në një formë të jashtëzakonshme këtë sezon me skuadrën gjermane, Hoffenheim, shkruan IndeksOnline.

Shumë skuadra tashmë kanë shfaqur interesim për transferimin e Asllanit, në mesin e tyre edhe Bayern Munich.

E së fundi, drejtori sportiv i Bayern Munchenit, Christoph Freund, ka folur fjalë të mira për qendërsulmuesin kosovar.

“Lojtar i mirë, shënon shumë gola, një djalosh i zgjuar që është zhvilluar shumë mirë. Ai ka shkuar tashmë si huazim disa herë dhe po shënon përparim shumë, shumë të mirë”, ka deklaruar Freund, sipas mediave gjermane.

“Mendoj se është një lojtar i mirë dhe interesant i ri, shumëkush ka folur për të deri tani. Ka disa djem që po zhvillohen mirë. Por, siç thashë, aktualisht jemi shumë të kënaqur me atë që kemi dhe me mënyrën se si jemi të organizuar”, ka deklaruar Freund.

Kujtojmë se Bayern tashmë ka nisur bisedimet për transferimin e Fisnik Asllanit, por mbetet të shihet se çfarë do të sjell fati për sulmuesin kosovar./IndeksOnline/