Një person gjendet i vdekur në banesën e tij në Prizren, policia nis hetimet

Një person është gjetur i vdekur në banesën e tij në Prizren.

Policia njofton se në vend të ngjarjes ka konfiskuar një pistoletë, ndërsa rrethanat rreth këtij rasti po hetohen, raporton IndeksOnline.

“Prizren / 29.11.2025-13:30. Viktima m/k, është gjetur pa shenja jete në banesën e tij.  Njësitet policore dhe ekipi mjekësor kanë dalë në vendin e ngjarjes ku edhe është konstatuar vdekja e viktimës. Në vendin e ngjarjes është gjetur e konfiskuar një pistoletë, ndërsa trupi i pajetë i viktimës, me urdhër të prokurorit, është dërguar në IML për obduksion. Rasti duke u hetuar”, thuhet në njoftimin e policisë. /IndeksOnline/