A do të marrë pjesë Izraeli në “Eurovision 2026”?

Organizatorët e Festivalit të Këngës në Eurovision, galaja e muzikës pop që tërheq më shumë se 100 milionë shikues çdo vit, do të takohen sot për të trajtuar një çështje të hidhur dhe përçarëse: Nëse Izraelit duhet t’i lejohet të marrë pjesë në konkursin e vitit 2026.

Unioni Evropian i Transmetimeve, një grup transmetuesish publikë nga 56 vende që drejton konkursin, po mban një asamble të përgjithshme, me disa vende që kërkojnë përjashtimin e Izraelit për shkak të ndërhyrjes së dyshuar në votimin e konkursit dhe kryerjes së luftës kundër grupit militant Hamas në Gaza, transmeton Indeksonline.

Ekspertët parashikojnë se delegatët nuk do të arrijnë në një qëndrim të unifikuar për këtë çështje në selinë e EBU-së në Gjenevë dhe nuk është e qartë nëse do të thirret një votim.

Kjo do të thotë se transmetuesit mund të duhet të vendosin, vetë apo si grup i shkëputur, nëse do të marrin pjesë si vende individuale.

Islanda, Irlanda, Holanda, Sllovenia dhe Spanja janë ndër vendet që kanë kërcënuar të mos marrin pjesë në konkurs nëse Izraelit i lejohet të marrë pjesë./Indeksonline/