Bekim Haxhiu e provon sërish, synon ulësen në Kuvend

Bekim Haxhiu ka njoftuar se në zgjedhjet parlamentare të 28 dhjetorit do të rikandidojë për deputet, si pjesë e ekipit të Bedri Hamzës dhe PDK-së.

Nëpërmjet një postimi në Facebook, ai u ka bërë thirrje qytetarëve që ta mbështesin me votë, duke kujtuar se në zgjedhjet e fundit për një numër të vogël votash nuk arriti të sigurojë ulësen në Kuvend.

Postimi i plotë :

Të nderuar miq dhe bashkëqytetarë,

Në zgjedhjet parlamentare të 28 dhjetorit, rikandidojë për deputet, si pjesë e ekipit të z. Bedri Hamza dhe të PDK-së.

Kam besim të plotë se, me mbështetjen tuaj, do të jem zëri i fuqishëm dhe i përgjegjshëm në Kuvend, zë i cili, siç e keni theksuar shumë prej jush, ka munguar në legjislaturën e fundit.

Ashtu si në zgjedhjet e kaluara, numri im në listën e PDK-së është 109.

Në zgjedhjet e fundit parlamentare, për një numër të vogël votash, nuk arrita të përfaqësoj zërin tuaj në Kuvend.

Prandaj, në këtë proces zgjedhor, kërkoj përkrahjen tuaj të vendosur, që së bashku të arrijmë fitoren dhe të sjellim ndryshimin e domosdoshëm për një të ardhme më të zhvilluar dhe më të ndritur për Kosovën dhe qytetarët e saj.

Ju ftoj që më 28 dhjetor të votoni:
PDK-në
Bedri Hamzën për Kryeministër
Prof. Bekim Haxhiu – Kamishi, nr. 109, për deputet

Kërkoj besimin dhe mbështetjen tuaj për të qenë zëri juaj në Kuvend!