Hoxhaj: Kurti ka bërë politikë antishqiptare dhe antiamerikane

Ish-ministri i Jashtëm i Kosovës, Enver Hoxhaj, ka thënë se Albin Kurti po bën një politikë antiamerikane dhe antishqiptare, duke dëmtuar interesat e Kosovës për interesat e veta politike.

Ish-ministri i Jashtëm i Kosovës, Enver Hoxhaj, tha në një intervistë për Euronews Albania se Albin Kurti po bën një politikë antiamerikane dhe antishqiptare duke dëmtuar interesat e Kosovës për interesat e veta politike.

“Kosova shpesh është kushtëzuar nga BE-ja në mënyrë të padrejtë, shtete të caktuara kanë dashur ta lënë të izoluar. Por ne kemi pasur një mbështetje të mirëfilltë amerikane, britanike gjermane, franceze që i kanë prirë njohjes së Kosovës. Ka qenë detyrë e qeverisë së Kurtit që të bëjë zgjidhje në interes të Kosovës, dhe mendoj që qeveria “Kurti”, sidomos me dështimin për të marrë statusin e kandidatit pas 3 vjet aplikimi, tregon se Kosova është e izoluar nga BE-ja jo vetëm për fajin e dikujt në Bruksel, por mbi të gjitha për faj të Kurtit që ka ndjekur një politikë antievropiane, antishqiptare, antiamerikane. Kurti erdhi në pushtet me një platformë pro Shqipërisë dhe gjatë këtyre vjetëve më shumë është sjell me një platformë politike anti-Tiranë që nuk i përbashkon vendet. Kjo sjellje e tij në rajon e ka dëmtuar interesin e Kosovës dhe i ka shërbyer Kurtit për të krijuar një ndjenjë padrejtësie te qytetarët e Kosovës”, tha Hoxhaj.