Abdixhiku për të posadiplomuarit: Për herë të parë në historinë e Kosovës do t’u garantojmë punësim me pagë prej 500 eurosh

Kandidati për kryeministër nga Lidhja Demokratike e Kosovës Lumir Abdixhiku ka dalë me premtim për të posadiplomuarit në Kosovë.

Sipas tij, për herë të parë në historinë e Kosovës çdo të diplomuarit do t’i garantohet punësimi për 6 muajt e parë me pagë të subvencionuar nga shteti prej 500 eurosh në muaj.

“Për çdo të diplomuar në Kosovë, do të garantohet punësimi për 6 muajt e parë me pagë të subvencionuar nga shteti prej 500 eurosh në muaj.

Punësim i garantuar, pagë e garantuar”, ka thënë Abdixhiku.

Ai shtoi se asnjë i diplomuar nuk do të sillet rrugëve pa mundësi e pa shpresë. Dhe se shpresë do të ketë.