FSK-ja realizon ligjërata në shkolla të Kosovës për vetëdijesimin nga rreziku i minave

Në kuadër të bashkëpunimit me Ministrinë e Arsimit Shkencës dhe Teknologjisë dhe drejtorive komunale të Arsimit, Forca e Sigurisë së Kosovës me instruktorët e Kompanisë së Deminimit të Gardës Kombëtare, kanë filluar realizimin e ligjëratave për nxënësit në shkollat fillore dhe të mesme të ulët në komuna të Kosovës me qëllim të ngritjes së vetëdijësimit të nxënësve për rrezikun që shkaktojnë minat dhe mjeteve tjera të ndryshme eksplozive të pashpërthyera që ndodhen në territorin e Kosovës.

Ky projekt realizohet tashmë sa vjet dhe mbahet për të gjitha komunitetet me qëllim të vetëdijesimit dhe parandalimit të incidenteve me mina apo mjete tjera të pashpërthyera, të cilat paraqesin rrezik për qytetarët e vendit.