Trump kërcënon Francën me tarifa prej 200% për verërat dhe shampanjat

Presidenti i SHBA-së, Donald Trump, e ka kërcënuar Francën me tarifa të larta për verën dhe shampanjën, pasi Parisi refuzoi ftesën e tij për të marrë pjesë në të ashtuquajturin këshill paqeje.

“Do të vendos tarifa prej 200 për qind për verërat dhe shampanjën e tij”, tha Trump të hënën, duke iu drejtuar presidentit francez Emmanuel Macron.

“Macron do të jetë pjesë e organit të krijuar nga Trumpi, “por ai nuk është i detyruar të marrë pjesë”, shtoi Trump.

Ministri i Jashtëm francez Jean-Noël Barrot fillimisht e refuzoi ftesën e Trumpit të hënën. Franca u detyrua të “thotë jo sepse statuti i këtij ‘Këshilli Paqeje’ shkon përtej Rripit të Gazës dhe kështu përtej planit të paqes të mbështetur nga Kombet e Bashkuara”, u tha Barrot anëtarëve të parlamentit./Indeksonline/