75 Mall Live Search
08:56 / E Mërkurë, 28 Janar 2026 / Gj Sh

Ishte duke udhëhequr 2-0 në sete, Musetti dorëzon ndeshjen ndaj Gjokoviqit

Lorenzo Musetti është eliminuar nga Grand Slami i Tennisit, Australian Open, pasi e dorëzoi ndeshjen kundër Novak Gjokoviqit.

Tenisti italian ishte duke udhëhequr 2-0 në sete, 6-4  dhe 6-3 përpara se të pësonte një lëndim në këmbën e djathtë dhe të merrte vendimin për tërheqje, shkruan IndeksOnline.

Kësisoj Novak Gjokoviq ka kaluar në gjysmëfinale të Australian Open.

Tenisti serb pas ndeshjes i uroi shërim të shpejtë Musettit dhe tha se ai e meritoi të fitonte ndeshjen e sotme.

“Nuk di çfarë të them. Këto lloj gjërash ndodhin në sport dhe më ndodhi edhe mua disa herë. Por të jesh në çerekfinalet e një Grand Slam, të kesh dy sete për të fituar dhe të kesh kontrollin e plotë, dua të them, është shumë për të ardhur keq. Nuk e di çfarë tjetër mund të them – i uroj vërtet shërim të shpejtë dhe ai duhet të kishte qenë fitues sot’’, deklaroi Gjokoviq./IndeksOnline/

Mos i humb

Të fundit nga Sport