Protesta e opozitës në Tiranë: Militantët hodhën flakadanë e gurë, lëndohen 4 policë

Nga hedhja e molotovëve, lëndëve piroteknike dhe sendeve të forta nga protestuesit e Partisë Demokratike, janë lënduar katër punonjës policie.

Tre prej punonjësve të lënduar janë transportuar në spital për ndihmë mjekësore, pasi kanë pësuar djegie e dëmtime fizike  nga sendet e forta që janë hedhur në drejtim të tyre.

Pas përfundimit të fjalës së Sali Berishës, protestuesit sulmuan me molotovë e fishekzjarrë godinën e Kryeministrisë, shkruan abcnews.

Grupi, i cili hodhi molotovë ishte i maskuar dhe pas shpërndarjes së protestuesve nga Bulevardi, ata u drejtuan drejt Parlamentit.