Të shtëna me armë në një shkollë në Kanada: 9 të vdekur dhe 25 të plagosur

Nëntë persona janë vrarë dhe 25 të tjerë janë plagosur, pas të shtënave në një shkollë dhe një shtëpi, në Kanadanë perëndimore.

Sipas BBC-së, shtatë persona u plagosën për vdekje në shkollën e mesme “Tumbler Ridge”, ndërsa dy viktimat e tjera u gjetën në banesën aty pranë.

Autoritetet nuk kanë dhënë emrat ose moshat e viktimave, transmeton IndeksOnline.

I dyshuari për kryerjen e këtij krimi u gjet i vdekur, me një lëndim të vetshkaktuar, sipas zyrtarëve.

Autoritetet thonë se e dinë identitetin e sulmuesit, por nuk e kanë zbuluar emrin dhe gjininë e tij.

Një alarm për strehim në vend e përshkroi të dyshuarin si një “femër me fustan me flokë ngjyrë kafe”.

Kryeministri i Kanadasë, Mark Carney, thotë se është “i shkatërruar” nga “të shtënat e tmerrshme”, ndërsa pezulloi një udhëtim të planifikuar në Gjermani.

Policia nuk ka identifikuar llojin e armës së përdorur në sulm.