Nations League me risi në edicionin e pestë

Sot në Bruksel është hedhur shorti për edicionin e pestë të Ligës së Kombeve.

Përfaqësuesja e Kosovës do të jetë pjesë e Ligës B, ku shorti vendosi që ”Dardanët” të jenë në Grupin B3, dhe do të përballen me Israelin, Austrinë dhe Republikën e Irlandës, shkruan IndeksOnline.

Ky edicion do të sjell disa risi, ka ka ndryshime të rëndësishme në kalendar dhe vazhdimin e formatit të zgjeruar për UEFA Nations League 2026/2027.

Shorti për fazën e grupeve po hidhet sot, më 12 shkurt 2026, në Bruksel.

Çfarë ka të re dhe Ndryshimet në Format

Dritare Ndërkombëtare e Zgjatur: Për herë të parë, faza e ligës do të hapet me një “dritare” katër-ndeshjesh nga 24 shtatori deri më 6 tetor 2026. Ekipet do të luajnë katër ndeshje radhazi në vjeshtë, në vend të sistemit tradicional me dy ndeshje.

Çerekfinalet e Ligës A: Sipas formatit të ri, dy ekipet e para të çdo grupi në Ligën A (dhe jo vetëm fituesit) do të kalojnë në çerekfinalet me dy takime (vajtje-ardhje) që do të luhen në mars 2027.

Ndeshjet Play-off për Ngjitje/Zbritje: Në mars 2027 do të zhvillohen ndeshje play-off midis ekipeve të vendit të tretë të një lige më të lartë dhe vendeve të dyta të ligës më poshtë (p.sh. Liga A kundër Ligës B) për të përcaktuar lëvizjet mes kategorive.

Lidhja me EURO 2028: Ky edicion pritet të jetë i lidhur me kualifikueset e UEFA EURO 2028, duke u ofruar ekipeve një “shans të dytë” për kualifikim përmes fazës play-off bazuar në renditjen e Ligës së Kombeve.

Kalendari i Turneut 2026/27