Osmani falënderon Begajn për vizitën: Faleminderit që jeni gjithnjë pranë Kosovës

Presidentja e Republikës së Kosovës, Vjosa Osmani, ka pritur me ceremoni të lartë shtetërore homologun e saj nga Shqipëria, Bajram Begaj.

Begaj ishte i ftuar nderi në ceremonitë shtetërore, me rastin e 18-vjetorit të pavarësisë së Kosovës, shkruan IndeksOnline.

Pas manifestimeve, Osmani dhe Begaj u takuan në Presidencë, për të biseduar mbi thellimin e bashkëpunimit ndërmjet dy shteteve dhe rrënjët e forta që ka lidhja Kosovë-Shqipëri.

“18-vjetori i Pavarësisë së Kosovës na bëri bashkë me Presidentin e Shqipërisë, Bajram Begaj, në një atmosferë festive.

Faleminderit që jeni gjithnjë pranë Kosovës dhe qytetarëve tanë, Zoti President!” shkroi Osmani.