1 mijë shtëpi të përmbytura, ky qytet në Francë shpall gjendjen e jashtëzakonshme
Bashkia e Bordeaux në jugperëndim të Francës njoftoi se ka shpallur gjendje të jashtëzakonshme për shkak të përmbytjeve, kulmi i të cilave pritet nesër në mëngjes. Në departamentin Charente-Maritime, rreth 1,000 shtëpi janë përmbytur, ndërsa në Lot-e-Garonne, 3,000 përdorues janë pa energji elektrike.
“Departamenti i Charente-Maritime po përballet me një përmbytje të madhe, një përmbytje historike. Në të gjithë departamentin, 1,000 shtëpi u prekën nga përmbytjet, dhe më shumë në qytetin e Sainte, ku u përmbytën 900 shtëpi”, tha kreu i kabinetit të prefektit të atij departamenti, Raphael Farge, sipas televizionit BFM.
Në Lot-e-Garonne në jugperëndim të Francës, rreth 3,000 përdorues kanë mbetur pa energji elektrike që nga mëngjesi i sotëm për shkak të stuhisë , dhe autoritetet lokale njoftuan se ka ende ndërprerje në linjat telefonike.
Prefektura Lot-e-Garonne njoftoi se 26 rrugë dhe pesë ura ishin të mbyllura për trafikun që nga mëngjesi i sotëm, dhe se hyrja për këmbësorët ishte ende e ndaluar në urat në Tonen, ku niveli i ujërave të përmbytjeve u rrit mbi nëntë metra dhe ku përmbytja kishte arritur kulmin.
Këshilli i qytetit të Bordeaux shpalli sot për herë të parë në 27 vitet e fundit një gjendje të jashtëzakonshme për shkak të përmbytjeve, e cila u shpall për herë të fundit në vitin 1999.
“Parqet, kopshtet dhe brigjet e lumenjve në Bordeaux do të mbyllen gradualisht sot, duke filluar nga ora 18:00”, tha qyteti në një deklaratë të postuar në faqen e tij zyrtare në Facebook.
Katër departamente në Francën perëndimore mbeten nën një paralajmërim të kuq për përmbytjesh sot, ndërsa nëntë të tjerë janë nën një alarm portokalli për motin, ndërsa shirat kthehen në rajonin e Atlantikut me stuhinë Pedro.
Stuhia Pedro parashikohet të mbërrijë mbi Bretanjë rreth mesditës, duke sjellë shi në tokat tashmë të ngopura dhe të përmbytura, prandaj dy departamente në Bretanjë janë gjithashtu nën një paralajmërim portokalli për shi dhe përmbytje./Indeksonline/
