Dyshja e famshme e konfirmojnë romancën në BAFTA

Paul Mescal dhe Gracie Abrams e kthyen një nga mbrëmjet më prestigjioze të kinemasë britanike në një “date night”, teksa u shfaqën së bashku në ceremoninë e ndarjes së çmimeve BAFTA Awards 2026, e mbajtur në Royal Festival Hall në Londër.

Kjo dalje shënoi debutimin e tyre të parë zyrtar në tapetin e kuq si çift. Aktori ishte i nominuar për rolin e William Shakespeare në filmin “Hamnet”, ndërsa çifti u pa mjaft i afërt gjatë mbrëmjes, duke tërhequr vëmendjen e fotografëve dhe fansave.

Mescal dhe Abrams janë përfolur për një lidhje që prej qershorit 2024, kur u panë për herë të parë bashkë në publik. Së fundmi, ata u fotografuan edhe pas ndarjes së çmimeve Golden Globe 2026, duke festuar në Los Angeles.

I njohur për natyrën e tij private, Mescal ka shmangur shpesh komentet për jetën personale. Në një intervistë të mëparshme për Rolling Stone, ai kishte theksuar se dëshiron ta mbrojë lidhjen e tij nga vëmendja e tepërt mediatike.Megjithatë, paraqitja e tyre e përbashkët në BAFTA konfirmon se romanca e tyre tashmë është zyrtare edhe në tapetin e kuq.