Afganistani nis sulme ndaj Pakistanit

Autoritetet talebane njoftuan se Afganistani ka filluar sulme ndaj pozicioneve ushtarake pakistaneze përgjatë kufirit, si përgjigje ndaj sulmeve ajrore pakistaneze në provincat Nangarhar dhe Paktia.

Zëdhënësi Zabihullah Mujahid tha se operacionet sulmuese janë nisur “për shkak të provokimeve dhe shkeljeve të përsëritura” nga forcat pakistaneze.

Nuk pati reagim të menjëhershëm nga Pakistani, ndërsa dy vendet vazhdojnë tensionet përgjatë Linjës Durand, kufiri 2,611 km që Afganistani nuk e ka njohur zyrtarisht.