Drita eliminohet me kokën lartë nga Conference League

Skuadra e Dritës ka përfunduar aventurën në Conference League.

Kampioni i Kosovës është eliminuar me kokën lartë, pasi ka arritur sukses të jashtëzakonshëm, duke kaluar fazën e ligës derisa u eliminua në play-off, skruan IndeksOnline.

Drita sonte pësoi humbje edhe në ndeshjen e dytë ndaj skuadrës sllovene, Celje, me rezultat 3-2, identik si ai i ndeshjes së parë.

Celje kësisoj kalon në 1/8 e finales, duke triumfuar me rezultat të përgjithshëm 6-4.

Skuadra sllovene shënoi dy gola të shpejtë brenda katër minutave, së pari me Svit Seslar 19′ e pastaj realizioi edhe Darko Hrka 23′.

Drita ngushtoi rezultatin me Blerim Krasnqin, i cili shënoi në minutën e 23-të.

Celje shënoi përsëri në pjesën e parë, ku Seslar u tregua i sakt nga penalltia në minutën e 43-të.

Me të nisur pjesa e dytë, Albert Dabiqaj shënoi golin e dytë për Dritën, në minutën e 51-të.

Në vazhdim ”Intelektulët” morrën kontrollin e lojës, duke tentuar të barazonin rezultatin, por nuk kishin sukses.

Pavarësisht eliminimit, Drita pati një sezon fantastik, duke u bërë skuadra e parë kosovare e cila arrin deri në play-off të Conference League./IndeksOnline/