Gjermania u informua paraprakisht për sulmet ushtarake ndaj Iranit

Gjermania u informua paraprakisht për sulmet ushtarake të Izraelit ndaj Iranit, tha të shtunën një zëdhënës i ekzekutivit gjerman, duke thënë se qeveria gjermane po monitoron nga afër zhvillimet dhe është në konsultim të ngushtë me partnerët e saj evropianë.

Ekipi i menaxhimit të krizave të qeverisë gjermane është planifikuar të takohet sot në mesditë për të diskutuar situatën në Iran.

Kancelari Friedrich Merz është konsultuar tashmë me ministrat përkatës dhe do të ketë bisedime të mëtejshme të shtunën, raporton Associated Press, transmeton Klankosova.tv.

Gjermania gjithashtu u kërkoi shtetasve të saj në Iran, Izrael dhe në rajonin e gjerë të regjistrohen në sistemin zyrtar për qytetarët jashtë vendit dhe të ndjekin udhëzimet e autoriteteve lokale në lidhje me masat e nevojshme për mbrojtjen e tyre.

Ministria e jashtme tha se ishte në kontakt “të ngushtë dhe të vazhdueshëm” me ambasadat në Iran dhe Izrael, si dhe me misione të tjera në rajon.