“Rama ik”/ Berisha në shesh me protestuesit

Kreu i Partisë Demokratike, Sali Berisha, ka dalur nga selia e PD-së për të nisur protestën e pestë të opozitës.

Berisha është shoqëruar me ovacione nga mbështetësit e mbledhur përpara selisë.

Ndryshe nga tubimet e mëparshme, këtë herë nuk do të ketë podium dhe as fjalime.

Protesta mund të marrë formën e një marshimi në rrugët e Tiranës dhe nuk përjashtohet mundësia e tensioneve, duke qenë se ka pasur dhe në protestat e kaluara.

Sipas të dhënave nga terreni, policia është shpërndarë në disa institucione, duke nisur nga Kryeministria, Ministria e Infrastrukturës, Selia e PS-së dhe të tjerë, shkruan euronews.

Ndërkohë, policia ka marrë masa të shtuara sigurie, me mbi 1,500 efektivë të angazhuar dhe me barriera metalike të vendosura para Kryeministrisë.