Emre Can e humb sezonin, këput ligamentet e gjurit
Borussia Dortmund do të jetë pa Emre Can, për një periudhë të gjatë kohore pas një dëmtimi serioz në gju.
Mesfushori pësoi një këputje të ligamenteve të kryqëzuara në gjurin e majtë gjatë përballjes së Bundesligës kundër FC Bayern Munich, duke u detyruar të largohet nga fusha dhe tashmë pritet të mungojë për disa muaj, shkruan Indeksonline
Lajmi është konfirmuar nga klubi, i cili e cilësoi dëmtimin si një goditje të madhe për skuadrën në një fazë vendimtare të sezonit.
Drejtori sportiv i klubit, Sebastian Kehl, shprehu zhgënjimin për situatën:
“Lëndimi i Emre-s është jashtëzakonisht i hidhur. Jo vetëm për të, por për të gjithë ne. Ai është kapiteni ynë, gjithmonë e vë ekipin në vend të parë dhe është një pjesë e rëndësishme e klubit tonë. Emre do të marrë gjithë mbështetjen tonë në muajt në vijim në mënyrë që të mund të rikuperohet plotësisht.”
/Indeksonline/
Bittere Gewissheit am Sonntag: BVB-Kapitän Emre Can hat sich in der Partie gegen den FC Bayern München einen Kreuzbandriss im linken Knie zugezogen.
— Borussia Dortmund (@BVB) March 1, 2026
Alle Infos: https://t.co/DwQzo1x7KE pic.twitter.com/BBuTkHoCKh
