Nëse propozohet, a është e gatshme për të parën e shtetit? Albulena Haxhiu jep përgjigjen

Kryeparlamentarja Albulena Haxhiu është pyetur nga gazetarët për çështjen e presidentit, pas përfundimit të mbledhjes së Kryesisë.

Gazetari i Klan Kosovës, Flamur Gajtani, e ka pyetur Haxhiun se nëse do të propozohej ajo për të parën e shtetit, a do të ishte e gatshme për këtë pozitë.

Haxhiu ishte e qartë në përgjigjen e saj, transmeton Klankosova.tv

“Jam kryetare e Kuvendit, i falënderoj deputetët për mbështetjen. As nuk është përmendur e as nuk do të përmendet.” – tha Haxhiu.