Ndeshja ndaj Atleticos, Hansi Flick: Do bëjmë të pamundurën të mundur…!

Hansi Flick ka folur para ndeshjes së kthimit në kupë ndaj Atletico Madridit, duke theksuar se skuadra e tij do të luftojë deri në fund, pavarësisht disavantazhit të thellë.

Trajneri gjerman pranoi vështirësinë e situatës, duke qenë se ekipi i tij ndodhet katër gola në disavantazh pas ndeshjes së parë, shkruan Indeksonline.

Megjithatë, ai beson se përmbysja është ende e mundur nëse skuadra tregon karakter dhe disiplinë maksimale në fushë.

“Jemi katër gola prapa, por duhet ta bëjmë të pamundurën të mundur”, u shpreh Flick në konferencën për shtyp.

Ai theksoi gjithashtu rëndësinë e mbrojtjes së fortë në një sfidë të tillë vendimtare.

“Nuk do të dorëzohemi deri në fund. Është e rëndësishme të mbajmë edhe portën të paprekur”, shtoi trajneri.

Ndeshja mes Barcelonës dhe Atletico Madridit zhvillohet nesër nga ora 21:00 në stadiumin “Camp Nou”./Indeksonline/