“Jo luftës”/ Kryeministri spanjoll reagon pas kërcënimeve të Trumpit

Kryeministri i Spanjës, Pedro Sánchez, u është përgjigjur kërcënimeve të bëra nga Donald Trump, për të ndërprerë tregtinë midis dy vendeve, për shkak të kundërshtimit të Madridit ndaj bombardimit të Iranit.

Në një fjalim televiziv të mërkurën në mëngjes, Sánchez thotë se qëndrimi i qeverisë mund të përmblidhet me fjalët “jo luftës”, shkruan BBC-si.

Ai bën thirrje që “gabimet e së kaluarës” të mos përsëriten, duke iu referuar pushtimit të Irakut në vitin 2003, i cili sipas tij nuk i kishte arritur qëllimet e tij, duke krijuar pasiguri dhe duke e bërë jetën më të keqe për shumë njerëz.

Sánchez thotë se sulmet ndaj Iranit mund të kenë një ndikim të ngjashëm ekonomik për miliona njerëz, dhe qeveria po shqyrton masa për t’iu kundërvënë kësaj.

Dje, Trump u zotua të “ndërpresë të gjitha lidhjet” me Spanjën dhe e përshkroi vendin si “të tmerrshëm” pasi Sánchez refuzoi të lejonte SHBA-në të përdorte bazat e saj ushtarake për të sulmuar Iranin. Madridi i kishte etiketuar sulmet si një “ndërhyrje ushtarake të pajustifikuar dhe të rrezikshme”.