Kompletohen skuadrat gjysmëfinaliste të Kupës së Kosovës

Llapi është skuadra e fundit e cila ka prekur gjysmëfinalen e Kupës së Kosovës.

Skuadra nga Podujeva sot e eliminoi Malishevën ku e mposhti në penallti, pasi koha e rregullt mbaroi me barazim 1-1, ndërsa Malisheva kaloi në epërsi në extra-time, por Llapi nuk u dorëzua dhe shënoi përsëri në sekondat e fundit, shkruan IndeksOnline.

Në ekzekutimin e penalltive futbollistët e Llapit shënuan katër herë derisa ata të Malishevës dy herë.

Llapi kësisoj bashkohet me skuadrat e tjera gjysmëfinaliste, Ballkanin, Ferizajin dhe Dukagjinin./IndeksOnline/