Elijona zbulon se si është jeta e saj pas BBVK (Foto)

Ish-banorja e Big Brother VIP Kosova, Elijona, ka folur së fundmi për mënyrën se si ka ndryshuar jeta e saj pas përfundimit të eksperiencës në këtë format televiziv, shkruan IndeksOnline.

Përmes një bashkëbisedimi me ndjekësit në rrjetet sociale, ajo u pyet se si po e përjeton periudhën pas daljes nga shtëpia më e famshme në vend.

Elijona u shpreh se është e befasuar dhe shumë mirënjohëse për dashurinë e madhe që po merr nga publiku.

“Është wow, s’e kisha besu që muj me marrë kaq shumë dashni prej jush. Jam tepër mirënjohëse dhe shpresoj që muj me jua kthy gjithë atë dashni”, ka thënë ajo.

Megjithatë, ish-banorja tregoi se këto ditë është edhe mjaft e angazhuar me disa projekte dhe punë, ndërsa shtoi se ende po përpiqet të përshtatet me ritmin e ri të jetës pas reality show-t.