Aksident me motor në Berat, humb jetën një 40-vjeçar

Një 40-vjeçar ka humbur jetën pas një aksidenti me motor në aksin rrugor Berat- Roshnik.

Policia e Shqipërisë ka bërë të ditur se 40-vjeçari, teksa drejtonte motorin, ka humbur kontrollin, ka dalë nga rruga dhe ka rënë në kanal.

“Rreth orës 18:30, në aksin rrugor dytësor Berat–Roshnik, në fshatin Duhanas, shtetasi S. R., 40 vjeç, banues në Duhanas, duke drejtuar motomjetin, dyshohet se ka humbur kontrollin mbi drejtimin e tij dhe ka dalë nga rruga, duke rënë në kanalin kullues anës saj. Si pasojë e përplasjes 40-vjeçari ka pësuar dëmtime të rënda dhe për pasojë ka ndërruar jetë”, thuhet në njoftimin e policisë.