Policia jep detaje nga rasti ku një person humbi jetën në Pestovë

Një aksident i rëndë ka ndodhur mbrëmjen e sotme në fshatin Pestovë të Vushtrrisë.

Një person është goditur për vdekje nga një veturë në lëvizje.

Lidhur me këtë rast nga Policia e Kosovës kanë dhënë më shumë detaje.

Sipas njoftimit nga Policia e Kosovës nga ky aksident trafiku ka humbur jetën një 27 vjeçar.

Njoftimi i plotë:

Sot, më 19 mars 2026, rreth orës 20:00, në rrugën nacionale Mitrovicë–Prishtinë, në segmentin rrugor në fshatin Nadakovc, ka ndodhur një aksident trafiku me pasoja fatale.

Në aksident janë përfshirë një automjet dhe një këmbësor. Si pasojë e lëndimeve të pësuara, viktima (këmbësori), mashkull rreth 27-vjeçar, ka ndërruar jetë në vendin e ngjarjes.

Drejtuesi i automjetit është shoqëruar në Stacionin Policor për intervistim dhe procedura të mëtejme ligjore.

Njësitet kompetente, përfshirë hetuesit e aksidenteve të trafikut, kanë dalë në vendin e ngjarjes dhe janë duke ndërmarrë veprime hetimore për të sqaruar shkaqet dhe rrethanat e këtij aksidenti.