Shqiptari që ‘tronditi’ Norvegjinë/ Ari Bajgora fiton çmimin e madh në Spellemannprisen

Artisti i ri shqiptar në Norvegji, Ari Bajgora, ka arritur një sukses të madh duke fituar çmimin “Kënga e Vitit” në ceremoninë prestigjioze Spellemannprisen, për këngën “Falle og slå seg”.

Lajmi është pritur me entuziazëm nga publiku dhe figura të njohura, ndërsa urimet nuk kanë munguar në rrjetet sociale, shkruan Indeksonline.

Mes tyre, edhe reagimi i Sylo Taraku, i cili e vlerësoi rrugëtimin e artistit duke e cilësuar si një nga artistët më premtues të momentit.

Fitorja e Bajgorës shënon një moment të rëndësishëm në karrierën e tij, duke e vendosur atë në qendër të vëmendjes së industrisë muzikore norvegjeze.

Me talentin dhe përkushtimin e tij, ai po dëshmon se suksesi ndërkombëtar është i arritshëm për artistët e rinj shqiptarë.

Ky çmim konsiderohet si një nga vlerësimet më të mëdha në muzikën norvegjeze, duke e bërë arritjen e tij edhe më domethënëse./Indeksonline/