Bella Hadid prezanton parfumin e ri të “Orebella”-s me një fushatë provokuese
Bella Hadid ka rikthyer vëmendjen e publikut me një qasje të freskët dhe më të guximshme në promovimin e markës së saj Orebella. Në fushatën e fundit, ajo prezantoi aromën e re “Nectar Dew”, duke u shfaqur në një stil vizual që kombinon elegancën me elemente futuriste.
Modelja 29-vjeçare u paraqit me një kostum metalik që shkëlqente, duke realizuar poza dinamike dhe artistike që vënë në pah linjat e saj trupore. Një nga momentet më të spikatura të fotosesionit është ai kur ajo hidhet në ujë duke mbajtur shishen e parfumit, një skenë që simbolizon freskinë dhe energjinë që synon të përcjellë aroma e re.
Përmes postimeve në rrjetet sociale, Bella shpjegoi se “Nectar Dew” përmban nota frutash dhe lulesh, të disenjuara për të sjellë një ndjesi gjallërie dhe pozitiviteti. Reagimet nuk munguan, ku ndër komentet më të përzemërta ishte edhe ai i nënës së saj, Yolanda Hadid.
E themeluar në vitin 2024, Orebella po rritet gradualisht duke shtuar produkte të reja në portofolin e saj. Ndërkohë, Bella ka qenë më pak aktive në pasarela, pasi po i kushton më shumë rëndësi shëndetit të saj, duke u përballur me Lyme disease—një sfidë që e ka shtyrë të fokusohet më shumë te mirëqenia personale.
