Lufta Iran-SHBA, Donald Trump Junior shtyen dasmën

Djali i madh i presidentit amerikan, Donald Trump Jr. , u fejua me të dashurën e tij Bettina Anderson në dhjetor pas një viti lidhjeje dhe dukej se çifti do të martohej shumë shpejt pas fejesës.

Por gjithçka u ndërpre nga lufta në Iran, shkruan Page Six, transmeton Indeksonline.

Mediat amerikane raportojnë se çifti nxitoi të organizonte një festë beqarie në pronën e babait të tij në Palm Beach, Mar-a-Lago, dhe më pas donin të organizonin një ceremoni madhështore, sigurisht, në Shtëpinë e Bardhë.

Megjithatë, me Trumpin ende në negociata me Iranin dhe luftën që “zvarritet” më shumë se sa prisnin, ka të ngjarë që ata do të duhet të presin pak për dasmën.

“Ata janë shumë të vetëdijshëm se një dasmë luksoze në Shtëpinë e Bardhë, ndërsa njerëzit po vdesin, nuk do të pritej mirë. Sidomos pas një darke shtetërore për Mbretin Charles do të kishte shumë ngjarje. Don e mbështet plotësisht festën e beqarisë, ai dëshiron që të gjithë ta dinë se ai e do atë dhe se ata po planifikojnë të martohen”, tha një burim pranë çiftit për Page Six, duke shtuar: “Por ata duan të sigurohen që koha është politikisht korrekte përpara se të caktojnë një datë.”/Indeksonline/