Plagosje me armë zjarri në Kamenicë, arrestohen tre persona

Një person ka mbetur i lënduar nga arma e zjarrit në Kamenicë, ndërsa policia ka arrestuar tre persona të dyshuar lidhur me rastin, transmeton IndeksOnline.

Sipas raportit të Policisë së Kosovës, ngjarja ka ndodhur më 9 maj 2026 rreth orës 23:10.

Viktima, mashkull kosovar, ka pësuar lëndime nga arma e zjarrit dhe ka marrë trajtim mjekësor.

Në lidhje me rastin, policia ka arrestuar tre të dyshuar meshkuj kosovarë, ndërsa arma e zjarrit është konfiskuar.

Pas intervistimit, me vendim të prokurorit, dy nga të dyshuarit janë dërguar në mbajtje për 48 orë për veprat penale “Shkaktim i rrezikut të përgjithshëm” dhe “Armëmbajtje pa leje”.

Ndërkaq, i dyshuari i tretë, që dyshohet për “Moslajmërim të veprës penale apo kryesve të saj”, është liruar në procedurë të rregullt.

Rasti po vazhdon të hetohet. /IndeksOnline/