Tentoi të fusë marihuanë në Burgun e Dubravës, arrestohet një grua

Një familjare e një të burgosuri është arrestuar në Burgun e Dubravës, pasi gjatë kontrollit nga zyrtarët korrektues iu gjet një sasi e dyshuar narkotike.

Sipas policisë, rasti ka ndodhur më 26 maj 2026, rreth orës 14:00, transmeton IndeksOnline.

Zyrtarët korrektues kanë njoftuar policinë se gjatë kontrollit të një vizitoreje, e cila kishte ardhur për ta takuar një të burgosur, është gjetur dhe sekuestruar rreth 3 gramë substancë e dyshuar narkotike e llojit marihuanë.

E dyshuara është arrestuar, ndërsa pas inicimit të rastit dhe konsultimit me prokurorin, ajo është liruar në procedurë të rregullt.

Rasti po hetohet nga organet kompetente./IndeksOnline/