Jennifer Lopez: Do të kisha bërë seks me cilindo prej tyre në “True Romance”

Jennifer Lopez ka bërë një deklaratë të guximshme gjatë një interviste të re, ku foli për jetën e saj sentimentale, dashurinë për romancat toksike dhe procesin e shërimit pas ndarjes së vështirë nga Ben Affleck.

Gjatë pjesëmarrjes në podcastin “Films To Be Buried With”, të drejtuar nga bashkë-ylli i saj në filmin “Office Romance”, Brett Goldstein, Lopez u ndal te një nga filmat e saj të preferuar, “True Romance”.

Ajo vlerësoi kastin e filmit, duke përmendur emra si Christian Slater, Patricia Arquette, Dennis Hopper, Christopher Walken, Brad Pitt, James Gandolfini dhe Gary Oldman.

“Patricia Arquette nuk mund të ishte më e mirë si një prostitutë me zemër të artë. Pastaj ke Dennis Hopper dhe Christopher Walken në një nga skenat më të mira të të gjitha kohërave mes dy aktorëve. Brad Pitt si një drogëxhi, James Gandolfini, Gary Oldman…”, tha Lopez.

Më pas, ajo bëri komentin që tërhoqi më shumë vëmendje:

”Do të kisha bërë seks me cilindo prej tyre, gjë që thotë shumë për anën time të errët. Të gjithë ishin shumë të mirë në atë film.”

Aktorja dhe këngëtarja 56-vjeçare foli gjithashtu për tërheqjen që ka pasur ndaj historive romantike të komplikuara dhe për mënyrën se si ka reflektuar mbi marrëdhëniet e saj pas ndarjes nga Ben Affleck.