Tenderi për penj kirurgjikalë i kushton ShSKUK-së mbi 200 mijë euro

Shërbimi Spitalor Klinik Universitar i Kosovës (SHSKUK) ditë më parë ka arritur të finalizojë tenderin e radhës me marrëveshje.

Këtë herë, ShSKUK është furnizuar me penjë kirurgjikalë, shkruan IndeksOnline.

Sipas njoftimit zyrtar, vlera e parashikuar e kontratës ka qenë 218,485.83 euro, ndërsa kontrata është dhënë për shumën prej 217,834.24 euro.

Tenderi në fjalë është për kohëzgjatje për 3 muaj.

Operatori ekonomik që ka fituar tenderin është kompania N.SH.T. “NERAMED”, e cila do të realizojë kontratën në përputhje me kushtet dhe specifikimet e përcaktuara nga autoriteti kontraktues.

Bazuar në të dhënat e publikuara, vlera e kontratës së nënshkruar është rreth 651.59 euro më e ulët se vlera e parashikuar fillestare.

SHSKUK vazhdon të mbetet institucioni kryesor publik shëndetësor në vend, duke menaxhuar dhe koordinuar shërbimet spitalore dhe klinike në nivel kombëtar. /IndeksOnline/