Policia gjobit tre shoferë për tejkalime të rrezikshme në Klinë

Njësia Rajonale e Trafikut në Pejë ka njoftuar se më 20 qershor., dy shoferë janë hasur në fshatin Dollc të Klinës duke kryer tejkalim të automjeteve nga krahu i djathtë, veprim që bie ndesh me Ligjin për Rregullat e Trafikut Rrugor.

Ndaj secilit prej tyre janë shqiptuar këto masa:

• Gjobë prej 150 eurosh.
• 1 pikë negative.
• Masë mbrojtëse në kohëzgjatje prej 3 muajsh.

Ndërkohë, një tjetër kundërvajtës është ndaluar po në po të njëjtën ditë në fshatin Potërq të Klinës, pasi kishte kryer tejkalim në vijë të plotë.

Për këtë shkelje, Policia ka shqiptuar:

• Gjobë prej 200 eurosh.
• 2 pikë negative.
• Masë mbrojtëse prej 3 muajsh.