Xhensila ndan momente të ëmbla me fëmijët nga pushimet: “Po krijojmë kujtime…”
Këngëtarja Xhensila ka ndarë me ndjekësit disa momente të veçanta nga pushimet e saj me dy fëmijët, Ajkën dhe Amenin, duke treguar se kjo arratisje erdhi në kohën e duhur pas një periudhe intensive angazhimesh.
Përmes një postimi në rrjetet sociale, artistja shkroi se pas koncerteve, xhirimeve të videoklipeve dhe netëve pa gjumë për shkak të virozës së Amenit, tashmë po shijon disa ditë relaksi pranë detit, shkruan Indeksonline.
“Nga koncertet dhe xhirimet e videoklipeve 🎬✨ te netët pa gjumë për shkak të virozës së Amenit 🤍… ky udhëtim erdhi pikërisht në momentin e duhur. ✈️🌴 Pas gjithë atij ritmi të ngarkuar, tani jemi vetëm në modalitet relaksi: diell, det, shumë të qeshura dhe momente të bukura me bebat e mi.Po krijojmë kujtime, një ditë nga një. 🤍❤️❤️”, shkruan ajo.
Fotot e publikuara tregojnë këngëtaren duke kaluar momente të lumtura me Ajkën dhe Amenin, ndërsa postimi është pritur me komente pozitive nga ndjekësit e saj./Indeksonline/
