Vrasje në Dragash, i dyshuari në arrati

Një person ka humbur jetën pas një përleshjeje që ka ndodhur në fshatin Zlipotok të Dragashit.

Sipas informacioneve fillestare, gjatë një rrahjeje mes disa personave, viktima, mashkull kosovar, dyshohet se ka pësuar lëndime nga një mjet i mprehtë. Ai është dërguar fillimisht për trajtim mjekësor në QKMF-në e Dragashit, ku mjeku kujdestar ka konstatuar vdekjen e tij.

I dyshuari, po ashtu mashkull kosovar, ndodhet në arrati, ndërsa njësitet policore kanë nisur hetimet dhe janë në kërkim të tij.

Rasti është duke u trajtuar nga organet kompetente, ndërsa priten informacione shtesë lidhur me motivin dhe rrethanat e ngjarjes.